Durga apad uddhar stotram ( দুর্গা আপদুদ্ধার স্তোত্রম্ )

শ্রীশ্রীদুর্গাষ্টক স্তোত্রম্ (আপদুদ্ধারে)   

নমস্তে শরণ্যে শিবে সানুকম্পে, নমস্তে জগদ্ব্যাপিকে বিশ্বরূপে। নমস্তে জগদ্বন্দ্যপাদারবিন্দে, নমস্তে জগত্তারিণী ত্রাহি দুর্গে ॥১॥ 

নমস্তে জগচ্চিন্ত্যমান স্বরূপে, নমস্তে মহাযোগিনী জ্ঞানরূপে। নমস্তে মহানন্দ নন্দস্বরূপে, নমস্তে জগত্তারিণী ত্ৰাহি দুৰ্গে ॥ ২ ॥ 

অনাথস্য দীনস্য তৃষ্ণাতুরস্য, ভয়ার্ত্তস্য ভীতস্য বদ্ধস্য জন্তোঃ। ত্বমেকা গতির্দেবী নিস্তারদাত্রী, নমস্তে জগত্তারিণী ত্রাহি দুর্গে ॥ 3 ॥ 

অপারে মহাদুস্তরে হত্যন্তঘোরে বিপৎসাগরে মজ্জতাং দেহভাজাম্। ত্বমেকা গতির্দেবি নিস্তারনৌকা, নমস্তে জগত্তারিণী ত্রাহি দুর্গে॥ 4 ॥ 

নমশ্চণ্ডিকে চণ্ড দোর্দন্ডলীলা লসৎ খণ্ডিতা খণ্ডলা শেষভীতে। ত্বমেকা গতিবিঘ্নসন্দোহহন্ত্রী, নমস্তে জগত্তারিণী ত্রাহি দুর্গে   ॥ 5 ॥ 

ত্বমেকা জিতারাধিতা সত্যবাদিন্যমেয়াজিতা ক্রোধনা ক্রোধনিষ্ঠা। ইড়া পিঙ্গলা ত্বং সুষুম্না চ নাড়ী, নমস্তে জগত্তারিণী ত্রাহি দুর্গে ॥ 6 ॥ 

নমো দেবি দুর্গে শিবে ভীমনাদে, সরস্বত্যরূদ্ধত্য মোঘস্বরূপে। বিভূতিঃ শচী কালরাত্রীঃ সতী ত্বং, নমস্তে জগত্তারিণী ত্রাহি দুর্গে ॥ 7 ॥ 

শরণমপি সুরাণাং সিদ্ধবিদ্যাধরাণাং মুনিদনুজনরাণাং ব্যাধিভিঃ পীড়িতানাম্। নৃপতি-গৃহগতানাং দস্যুভিস্ত্রাসিতানাং, ত্বমসি শরণম্ একা দেবি দুর্গে প্ৰসীদ ॥ 8 ॥ 

ইদং স্তোত্রং ময়া প্রোক্তম্ আপদুদ্ধারহেতুকম্। ত্রিসন্ধ্যম্ একসন্ধ্যং বা পঠনাদের সঙ্কটাৎ ॥ 9 ॥ 

মুচ্যতে মাত্র সন্দেহো ভুবিস্বর্গে রসাতলে। সমস্তশ্লোকম্ একং বা যঃ পঠেদ্ভক্তিতঃ সদা ॥ 10 ॥  

স  সৰ্ব্বদুষ্কৃতিং তীর্ত্বা প্রাপ্নোতি পরমাং গতিম্। পঠনাদস্য দেবেশি কিং ন সিধ্যতি ভূতলে॥ 11॥

–ইতি দুর্গাষ্টকস্তোত্রম্ সমাপ্তম্।