Durga Kabach mantra (দুর্গা কবচম্)

 

শ্রীশ্রীদুর্গা কবচম্— 

ওঁ ঈশ্বর উবাচ॥ শৃণু দেবি প্রবক্ষ্যামি কবচং সৰ্ব্বসিদ্ধিদম্॥ পঠিত্বা ধারয়িত্বা চ নরো মুচ্যেত সঙ্কটাৎ॥ অজ্ঞাত্বা কবচং দেবি দুর্গামন্ত্রঞ্চ যো জপেৎ। স মাপ্নোতি ফলং তস্য পরে চ নরকং ব্রজেৎ॥ ইদং গুহ্যতমং দেবি কৰচং তব কথ্যতে। গোপনীয়ং প্রযত্নেন সাবধানাবধারয়॥ উমা দেবী শিরঃ পাতু ললাটং শূলধারিণী। চক্ষুষী খেচরী পাতু কর্ণৌ চ দ্বারবাসিনী॥ সুগন্ধা নাসিকাং পাতু বদনং সৰ্ব্বসাধিনী। জিহ্বাঞ্চ চণ্ডিকা পাতু গ্রীবাং সৌভদ্রিকা তথা॥ 

অশোকবাসিনী চেতো দ্বৌ বাহু বজ্রধারিণী। কণ্ঠং পাতু মহাবাণী জগন্মাতা স্তনদ্বয়ম্॥হৃদয়ং ললিতা দেবী উদরং সিংহবাহিনী। কটীং ভগবতী দেবী দ্বাবুরূ বিন্ধ্যবাসিনী॥ মহাবলা চ জঙ্ঘে দ্বে পাদৌ ভূতলবাসিনী।এবং স্থিতাসি দেবি ত্বং ত্রৈলোক্যরক্ষণাত্মিকে॥ রক্ষ মাং সর্ব্বগাত্রেষু দুর্গে দেবি নমোঽস্তুতে। ইত্যেতৎ কবচং দেবি মহাবিদ্যা ফলপ্ৰদম্॥ যঃ পঠেৎ প্রাতরুথায় সৰ্ব্বতীর্থ ফলং লভেৎ॥ যো ন্যসেৎ কবচং দেহে তস্য বিঘ্ন ন কূত্রচিৎ।ভূতপ্রেত পিশাচেভ্যো ভয়ং তস্য ন বিদ্যতে৷রণে রাজকুলে বাপি সৰ্ব্বত্র বিজয়ী ভবেৎ।সর্ব্বত্র পূজামাপ্নোতি দেবীপুত্র ইব ক্ষিতৌ॥

— ইতি কুব্জিকাতন্ত্রে শ্রীশ্রীদুর্গাকবচং সমাপ্তম্॥